როგორც იცით, მადრიდის "რეალის" მცველი დანი კარვახალი "ვილიარეალის" წინააღმდეგ გამართულ მატჩში მძიმედ დაშავდა. 

ესპანელმა მუხლის ჯვარედინი იოგები გაიწყვიტა. ექიმების განცხადებით, იგი მთელ სეზონს გამოტოვებს. პირველ რიგში, მან სერიოზული ოპერაციისა და ხანგრძლივი რეაბილიტაციის პერიოდი უნდა გადალახოს.

32 წლის ფეხბურთელთან დაკავშირებით კლუბის წარმომადგენლებმა საკმაოდ მნიშვნელოვანი გადაწყვეტილება მიიღეს. 

კერძოდ, ტრავმის მიუხედავად, "ბლანკოსმა" კარვახალს სრული ნდობა გამოუცხადა და მასთან კონტრაქტი ოფიციალურად გაახანგრძლივა.

ახალი ხელშეკრულების მიხედვით, 32 წლის მცველი ესპანურ გრანდში 2026 წლამდე დარჩება.