გავრცელებული ინფორმაციით მადრიდის "რეალი" კარლო ანჩელოტის კონტრაქტის გახანგრძლივებაზე მუშაობს. 

AS ავრცელებს ინფორმაციას, რომლის მიხედვითაც, ანჩელოტი ახალი ხელშეკრულების გასაფორმებლად მზადაა. ლა ლიგისა და ჩემპიონთა ლიგის მოქმედი გამარჯვებული "თეთრებში" თავს ბედნიერად გრძნობს.

მადრიდელთა თავკაცის ამჟამინდელი კონტრაქტი 2026 წელს იწურება. კლუბის პრეზიდენტი, ფლორენტინო პერესი იტალიელი სპეციალისტის მუშაობით საკმაოდ კმაყოფილია. 

გარდა ამისა, კარლოს ზურგს კლუბის გულშემატკივარი და მმართთველობა უმაგრებს. თავად ანჩელოტიმ კი რამდენიმე თვის წინ განაცხადა, რომ "რეალი" მის სამწვრთნელო კარიერაში ბოლო კლუბი იქნება.