გავრცელებული ინფორმაციით, კილიან მბაპე მზად არის გამოტოვოს მადრიდის "რეალის" პირველი რამდენიმე წინასასეზონო მატჩი 2024 წელს, რადგან ევროპის ჩემპიონატის დასრულების შემდეგ, ის ჯერ კიდევ ისვენებს.
ფრანგი ფორვარდი შვებულებაში მას შემდეგ გავიდა, რაც მადრიდის "რეალმა" გრანდიოზული პრეზენტაციით, ის დატვირთული "სანტიაგო ბერნაბეუს" წინაშე წარადგინა.
დაგეგმილია, რომ მბაპე წინასასეზონო ვარჯიშებზე 7 აგვისტოს გამოცხადდეს. ეს ნიშნავს, რომ მან შესაძლოა გამოტოვოს ყველა წინასასეზონო მატჩი.
ამის მიუხედავად, ფრანგის "თეთრებში" დებიუტი დიდი ალბათობით, 14 აგვისტოს, უეფას სუპერთასზე შედგება, სადაც მადრიდელები "ატალანტას" დაუპირისპირდებიან.
მბაპემ ევროპის ჩემპიონატზე მიღებული ცხვირის ტრავმა უკვე მოიშუშა, შესაბამისად, 2024/25 წლების სეზონის გახსნისთვის ის სრულ მზადყოფნაში იქნება.
