მადრიდის "რეალის" ყოფილმა შემტევმა, კარიმ ბენზემამ 2023/24 წლების სეზონის ოქროს ბურთის კანდიდატებს შორის თავისი ფავორიტი დაასახელა.

ალბათ გასაკვირი არაა, რომ ფრანგის აზრით, ყველაზე პრესტიჟულ ინდივიდუალურ ჯილდოს ვინისიუს ჟუნიორი იმსახურებს. 

"ვინი იმსახურებს ოქროს ბურთს თავისი სეზონისთვის და არა მხოლოდ იმით, რაც მან წელს გააკეთა, არამედ გასულ წელსაც ჯილდო მისი უნდა გამხდარიყო. 

"რასაც ის ბურთით აკეთებს წარმოუდგენელია, ის უბრალოდ სრულყოფილი ფეხბურთელია", - განაცხადა მადრიდის "რეალის" ლეგენდამ.

ფაქტია, რომ ბოლო ოთხი წლის განმავლობაში, ვინისიუსი მსოფლიოს ერთ-ერთ ყველაზე სახიფათო და შედეგიან შემტევად იქცა. ახლა კი, ბრაზილიელს შანსი აქვს, გახდეს მე-5 თავისი ქვეყნიდან, ვინც ამ ჯილდოს მოიპოვებს.