მადრიდის "რეალის" ნახევარმცველმა ლუკა მოდრიჩმა მედიასთან საინტერესო ინტერვიუ ჩაწერა, სადაც მოახლოებულ მატჩსა და მეტოქეზე ისაუბრა.

"მართლაც გაოცებული ვარ, თუ როგორ შორსაა პრემიერლიგაში "ლივერპული" პირველი ადგილისგან, თუმცა ამის თქმა ჩვენზე მათაც შეუძლიათ."

"ვფიქრობ, რომ ამ დაპირისპირებაში დაცვას გადამწყვეტი როლი ექნება. ბევრ გოლს არ ველი, თუმცა მგონია, რომ ფავორიტი "ბლანკოსია."

"რაც სტუმრად გოლის უპირატესობა გაუქმდა, უკვე დიდი მნიშვნელობა არ აქვს პირველ შეხვედრას სახლში ატარებ, თუ მეტოქის მოედანზე, მაგრამ მე განმეორებითი მატჩის სახლში ჩატარება მირჩევნია, რადგან გულშემატკივრებმა არაერთხელ დაამტკიცეს, თუ როგორი გავლენის მოხდენა შეუძლიათ შეხვედრის მიმდინარეობაზე." - განაცხადა ხორვატმა.