რამდენიმე საათის წინ, გავრცელდა ინფორმაცია, რომ მადრიდის "რეალის" ყოფილმა ფეხბურთელმა მარსელო ვიეირამ "ოლიმპიაკოსთან" კონტრაქტი გაწყვიტა.

როგორც "Marca" იტყობინება, ბრაზილიელს სერიოზული ტრავმა აქვს, რის გამოც, შესაძლოა, დიდი პერიოდი გაუცდეს.

სწორედ ამიტომ, "ბლანკოსი" გეგმავს, რომ ლეგენდარულ მარცხენა მცველს დაეხმაროს და მალე გამოსაჯანმრთელებლად ყველაფერი გააკეთოს.

ჯერჯერობით, არ არის ცნობილი გააგრძელებს თუ არა ბრაზილიელი საფეხბურთო კარიერას და ამ ყველაფერს ტრავმის მოშუშების შემდეგ გავიგებთ.

აქვე გეტყივთ, რომ მარსელომ ბერძნული კლუბის რიგებში 10 მატჩი ჩაატარა და 3 გოლიც გაიტანა.