როგორც მოგეხსენებათ, ლა ლიგის შემდეგ მატჩში მადრიდის "რეალი" გასვლაზე "ოსასუნას" შეხვდება.

ცნობილი ესპანური გამოცემა "Marca"-ს ცნობით, ეს მატჩი "ბლანკოსის" ლიდერმა კარიმ ბენზემამ, შესაძლოა, გამოტოვოს.

გავრცელებული ცნობებით, კარიმმა "ელჩესთან" შეხვედრაში მცირე დაზიანება მიიღო, რის გამოც იგი დისკომფორტს გრძნობს.

სწორედ ამიტომ, "სამეფო გუნდს" გარისკვა არ სურს და ურჩევნია, ფრანგმა "ლივერპულთან" შეხვედრისთვის კარგად დაისვენოს და ჩემპიონთა ლიგის 1/8 ფინალს სრულად ჯანმრთელი შეხვდეს.

აქვე გეტყვით, რომ "რეალი" "ოსასუნას" შეხვედრა 18 თებევრვალს, ჩვენი დროით 23:55 საათზე დაიწყება.