როგორც მოგეხსენებათ, კილიან მბაპეს მადრიდის "რეალში" ტრანსფერი უკვე დროის საკითხია.

დიდხნიანი მცდელობის შემდეგ "ბლანკოსმა" ფრანგი ვარსკვლავის გადაბირება მაინც შეძლო, თანაც უფასოდ.

რასაკვირველია, "სამეფო გუნდი" ახალგაზრდა შემტევს შესაფერის ხელფასს შესთავაზებს.

როგორც ცნობილი ჟურნალისტი ფაბრიციო რომანო იტყობინება, მადრიდელები მბაპეს 100 მილიონ ევროს გადაუხდიან.

საგულისხმოა ის ფაქტიც, რომ "თეთრებმა" ეს თანხა 5 სეზონის მანძილზე უნდა დაფარონ.

ცნობისთვის, კილიანის "რეალში" ტრანსფერი ჩემპიონთა ლიგის ფინალის შემდეგ გაოფიციალურდება.