როგორც მოგეხსენებათ, ლა ლიგის წინა ტურში, მადრიდის "რეალი" "სანტიაგო ბერნაბეუზე" "ელჩეს" შეხვდა და 4:0 დაამარცხა.

აღნიშნულ შეხვედრაში, "ბლანკოსის" ლიდერმა კარიმ ბენზემამ დუბლი შეასრულა და რაულ გონსალესის შედეგი გააუმჯობესა.

კერძოდ, ფრანგ ფორვარდს ლა ლიგაში 230 გატანილი გოლი დაუგროვდა, რაც ორით მეტია ესპანელ ლეგენდაზე.

ესპანეთის ჩემპიონატში, "სამეფო გუნდის" ყველა დროის საუკეთესო ბომბარდირეში კი კარიმი მე-2 ადგილზე გადავიდა.

აქვე გეტყვით, რომ პირველზე კრიშტიანუ რონალდუ იმყოფება, რომლის ანგარიშზე 311 გოლია.