როგორც მოგეხსენებათ, საქართველოს ნაკრები ევროპის ჩემპიონატის F ქვეჯგუფში პორტუგალიას, ჩეხეთსა და თურქეთს დაუპირისპირდება.

გულშემატკივარში განსაკუთრებულ ინტერესს პორტუგალიასთან მატჩი იწვევს, რადგან ქართველი ფეხბურთელები თავიანთ კუმირს, მადრიდის "რეალის" ლეგენდას კრიშტიანუ რონალდუს შეხვდებიან.

ამ დაპირისპირების შესახებ "ვოტფორდის" ქართველმა ნახევარმცველმა, გიორგი ჩაკვეტაძემ ისაუბრა:

"ვაპირებ, რომ მაისურის გაცვლა ვთხოვო, მაგრამ რიგი დიდია, უნდა გავაფრთხილოთ წინასწარ, რომ ბევრი წამოიღოს"

"ემოციები დიდია, როცა ასეთი დიდი ფეხბურთელის წინააღმდეგ გიწევს თამაში, თუმცა არ უნდა ვაგრძნობინოთ, რომ ფანები ვართ და გვიყვარს", - თქვა ჩაკვეტაძემ.