El Nacional-ის ცნობით, კრიშტიანუ რონალდუ საუდის არაბეთში თამაშით უკმაყოფილოა და "ალ-ნასრის" დატოვება სურს.

პორტუგალიელ ვარსკვლავს კლუბთან კონტრაქტი 2025 წლამდე აკავშირებს და სეზონში 175 მილიონ გირვანქასაც იღებს, მაგრამ მაინც არ არის ბედნიერი.

ესპანური გამოცემის ინფორმაციით, შესაძლოა, რონალდუ "რეალში" დაბრუნდეს, თუმცა არა ფეხბურთელის რანგში.

ფლორენტინო პერესი მზად არის მას შესთავაზოს პოზიცია კლუბში და რონალდუ მადრიდული გრანდის ამბასადორი გახდეს.

ასევე, როგორც ირკვევა, მადრიდში დაბრუნება რონალდუს მეორე ნახევარსაც, ჯორჯინა როდრიგესსაც ძალიან სურს.