როგორც მოგეხსენებათ, 2 მარტს მადრიდის "რეალი" "ვალენსიას" ესტუმრა და მატჩი ფრედ, 1:1 დასრულდა.

აღნიშნული დაპირისპირება დიდი სკანდალით დასრულდა, რისი მიზეზიც მთავარი მსაჯის, ხესუს ხილმანსანოს მოულოდნელად დასრულებული თამაში იყო.

კერძოდ, საფინალო სასტვენი მაშინ გაისმა, როცა "ბლანკოსი" სახიფათოდ უტევდა, რასაც საბოლოოდ გოლიც მოჰყვა.

როგორც გაირკვა, ამ მომენტში გაბრაზებულმა ჯუდ ბელინგემმა მსაჯს შემდეგი რამ უთხრა:

"რას აკეთებ? ეს გოლია, ბურთი ჰაერში იყო. ეს რა ჯანდაბაა".

ზედმეტი პროტესტის გამო კი მსაჯმა ინგლისელს წითელი ბარათი უჩვენა და მედიაში წერენ, რომ ამის გამო ჯუდმა, შესაძლოა, 2 მატჩი იუქმოს.