როგორც მოგეხსენებათ, პრაქტიკულად გადაწყვეტილი ამბავია, რომ კილიან მბაპე ზაფხულში მადრიდის "რეალის" რიგებს შეუერთდება.

მედიაში გავრცელდა ინფორმაცია, თუ როგორ ხელშეკრულებას გააფორმებს ფრანგი ვარსკვლავი "სამეფო გუნდთან".

იწერება, რომ კილიანი მადრიდელებთან 5-წლიან კონტრაქტს მოაწერს ხელს, რისთვისაც ბონუსის სახით 150 მილიონ ევროს მიიღებს.

რაც შეეხება მის ანაზღაურებას, 25 წლის შემტევის წლიური ხელფასი 15 მილიონი ევრო იქნება, რაც ბევრად ნაკლებია, ვიდრე მას "პსჟ"-ში აქვს.

ცნობისთვის, მბაპე "რეალს" თავისუფალი აგენტის სტატუსით დაემატება.