როგორც მოგეხსენებათ, მადრიდის "რეალმა" ლა ლიგის 24-ე ტურში უახლოეს მდევარ, "ჟირონას" ანგარიშით 4:0 სძლია.

მატჩის შემდეგ "ბლანკოსის" ბრაზილიელმა 7-იანმა, ვინისიუს ჯუნიორმა მედიასთან ფლორენტინო პერესის შესახებ კომენტარი გააკეთა:

"აქ ყოფნითა და თეთრი მაისურით თამაშით ყოველთვის ძალიან ბედნიერი ვარ. იმედია პრეზიდენტი აქ დიდ ხანს დამტოვებს", - თქვა ვინისიუსმა.

აქვე შეგახსენებთ, რომ ფეხბურთელმა ამ მატჩში თავი გოლითა და 2 საგოლე გადაცემით გამოიჩინა.