როგორც მოგეხსენებათ, ბოლო პერიოდში მადრიდის "რეალის" შემტევის ვინისიუს ჟუნიორის წინააღმდეგ მეტოქე გუნდის მოთამაშეები და გულშემატკივრები განსაკუთრებული აგრესიით გამოირჩევიან.

"ატლეტიკოსთან" მომხდარ ფაქტის გარდა, აღსანიშნავია, ის ქმედებები, რასაც "მალიორკას" მოთამაშეები აკეთებდნენ გასულ ტურში.

ჯერ მატჩამდე "მალიორკას" კაპიტანმა განაცხადა, რომ ვინი არავისთვის მისაბაძი ადამიანი არ არის.

შემდეგ კი ეს აგრესია მოედანზეც გადმოიტანეს და მის წინააღმდეგ ძალიან ბევრჯერ დაჯარიმდნენ. რომ არაფერი ვთქვათ, გულშემატკივართა რასისტულ შეძახილებზე.

სწორედ ამიტომ, ლალიგამ გადაწყვიტა, რომ შექმნას სპეციალური კომისია, რომელც აღნიშნულ ფაქტებს გამოიკვლევს, რათა ვინის წინააღმდეგ და ზოგადად, არცერთი ფეხბურთელის წინააღმდეგ მსგავსი რამ აღარ განმეორდეს.