ზამთრის სატრანსფერო ფანჯარა უკვე დაიხურა, მაგრამ კლუბების მუშაობა გუნდების გაძლიერებაზე არ წყდება და საზაფხულო გეგმებიც ლაგდება.

El Nacional-ის ცნობით, "მანჩესტერ იუნაიტედი" მადრიდის "რეალის" ნახევარმცველ ფედერიკო ვალვერდეს ტრანსფერზეა ორიენტირებული.

"წითელი ეშმაკები" მზად არიან ზაფხულში ურუგვაელ ფეხბურთელში 80 მილიონი ევრო გადაიხადონ და "ბლანკოსს" კიდევ ერთი მოთამაშე წაართვან.

"მანჩესტერს" "რეალიდან" ტრანსფერების კარგი გამოცდილება აქვს რაფაელ ვარანისა და კაზემიროს მაგალითზე, რადგან ორივე მოთამაშე გუნდის წამყვანი ფიგურა გახდა.

ვალვერდე მადრიდში თავს ძალიან კარგად გრძნობს და რთულად სათქმელია, რამდენად მოისურვებს ის ესპანეთის დატოვებას.