როგორც მოგეხსენებათ, მადრიდის "რეალის" მცველმა, დავიდ ალაბამ, ჯვარედინი იოგები გაიწყვიტა, რის გამოც ის გუნდს მომდევნო სეზონამდე ვერ დაეხმარება.

ამავე მიზეზით ლაზარეთში იმყოფება ედერ მილიტაოც, რომლის დაბრუნებას სეზონის ბოლოსკენ ვარაუდობენ.

ბუნებრივია, ჩნდება კითხვა იყიდის თუ არა "ბლანკოსი" ახალ ცენტრალურ მცველს.

ამ საკითხზე კომენტარი კარლო ანჩელოტიმ გააკეთა.

"სიტუაცია უნდა შევაფასოთ და უახლოეს დღეებში გადაწყვეტილება მივიღოთ. ჯერ არაფერია ცნობილი", - თქვა იტალიელმა.