პორტუგალიის ეროვნულ ნაკრებში გამოძახებულმა კრიშტიანუმ რონალდუმ პრესკონფერენციაზე ჟურნალისტების კითხვებს უპასუხა.

"ალ-ნასრის" თავდამსხმელს მომდევნო მსოფლიო ჩემპიონატი შეახსენეს და ჰკითხეს, მიიღებს თუ არა მონაწილეობას.

"მე მხოლოდ მომდევნო ნაბიჯებზე ვფიქრობ და ძალიან წინ არ ვიყურები, მომავლის დანახვა არ შემიძლია.

ყოველთვის ვეცდები პორტუგალიის ნაკრების დახმარებას, მაგრამ გადაწყვეტილება მთავარმა მწვრთნელმა უნდა მიიღოს.

მთავარია, ჩვენ მზად ვიყოთ", - განაცხადა კრიშტიანუმ.