კატალონიის "ბარსელონას" მთავარმა მწრთვნელმა ჩავი ერნანდესმა მედიასთან საინტერესო თემაზე ისაუბრა.

კერძოდ, ესპანელმა კომენტარი ლა ლიგის ცხრილში მოპოვებულ უპირატესობაზე გააკეთა.

ვართ თუ არა ფავორიტები? არა, ჩვენ მხოლოდ ესპანეთის ჩემპიონატის მოგების კანდიდატები ვართ. მოქმედი ჩემპიონი მადრიდის "რეალია" და ფავორიტიც ეს გუნდია.

"ელ კლასიკოში გამარჯვებამ დიდი თავდაჯერებულობა მოგვცა. ტიტული იმ ფეხბურთელებმა მოიგეს, რომლებსაც ჯერ აქამდე არ ჰქონდათ მოგებული", - თქვა ესპანელმა.

აქვე გეტყვით, რომ ლა ლიგაში "ბლაუგრანა" "ბლანკოსს" 8 ქულით უსწრებს.