მადრიდის "რეალის" ყოფილმა პრეზიდენტმა რამონ კალდერონმა მედიასთან ძალიან მოულოდნელი და საინტერესო კომენტარი გააკეთა.

რამონის თქმით, ფლორენტინო პერესს კრიშტიანუ რონალდუს "რეალში" ტრანსფერის ჩაშლა სურდა და პორტუგალიელზე უარს ამბობდა.

"როდესაც ფლორენტინო პერესი პრეზიდენტი გახდა, მან გაიგო, რომ კლუბი კრიშტიანუ რონალდუს შეძენას ცდილობდა, მან კი ტრანსფერის ჩაშლა სცადა.

ფლორენტინომ ყველაფერი გააკეთა, რომ რონალდუს რეალში არ ეთამაშა, თუმცა ხორხე ვალდანომ და ხოსე ანხელ სანჩესმა ტრანსფერი დახურეს.

მათი თქმით, ფლორენტინო ძალიან გაბრაზებული იყო და ის რონალდუს ცუდი თვალით უყურებდა. პერესს ყველაზე მეტად კრიშტიანუს დიდი ხელფასი არ მოსწონდა", - ამბობს კალდერონი.