"ნაპოლის" ქართველი შემტევის ხვიჩა კვარაცხელიას აგენტმა მამუკა ჯუღელმა Geo Team-თან ინტერვიუს დროს არაერთ საინტერესო თემაზე ისაუბრა.

მათ შორის, მან ხვიჩასა და "რეალის" კავშირზეც გააკეთა კომენტარი.

"მიუხედავად იმისა, რომ მე და მამამისი "ბარსას" ვქომაგობთ, კვარას "რეალი" უყვარს. თუ მას ბარსელონას მაისურში ვნახავ, ჩემზე ბედნიერი არავინ იქნება, მაგრამ ხვიჩა მადრიდისტაა და მისი ოცნება მადრიდში თამაშია." - განაცხადა მამუკა ჯუღელმა.

შეგახსენებთ, რომ ბოლო პერიოდში "ნაპოლის" 77-ე ნომერი "ბლანკოსთან" არაერთხელ დააკავშირეს. აღსანიშნავია, რომ მადრიდელთა ინტერესი თავად აგენტმაც დაადასტურა.