როგორც იცით, მადრიდის "რეალი" შემდეგ ზაფხულს გუნდის გაძლიერებას და რამდენიმე ფეხბურთელის დამატებას გეგმავს.

"ბლანკოსის" სატრანსფერო გეგმებთან დაკავშირებით გამოცემა "Marca"-მ ახალი ინფრომაცია გაავრცელა.

წყაროს ცნობით, მადრიდელებისთვის პრიორიტეტი ბორუსიას "დორტმუნდის" ნახევარმცველის ჯუდ ბელინგემის დამატება იქნება.

კლუბი ასევე ფერლან მენდის და კარიმ ბენზემას შემცვლელის მოყვანასაც აპირებს, რომელებიც ამ სეზონში ხშირად ტრავმიანობენ.

რაც შეეხება მარჯვენა მცველის პოზიციას, როგორც ირკვევა, "რეალი" განაპირა მცველის ყიდვას არ გეგმავს.

აქვე გეტყვით, რომ რამდენიმე დღის წინ, "სამეფო გუნდს" კარვახალის შემცვლელად ჟოაუ კანსელუ შესთავაზეს, თუმცა მადრიდელებმა ეს წინადადება დაბლოკეს.