როგორც მოგეხსენებათ, ლალიგის გასულ ტურში მადრიდის "რეალმა" "ვალენსიას" უმასპინძლა და უშანსოდ, 2:0 დაამარცხა.

შეხვედრის მეორე ტაიმში, როცა უკვე "ბლანკოსი" წინ იყო, "ღამურების" მცველმა გაბრიელ პაულისტამ ვინისიუსის წინააღმდეგ ძალიან უხეშად ითამაშა და დამსახურებული წითელი ბარათიც მიიღო.

იმ მომენტში ბრაზილიელი საკმაოდ აგრესიული იყო და ეს მის მოქმედებებშიც აღინიშნებოდა, თუმცა მან სოციალურ ქსელში პოსტი გამოაქვეყნა, სადააც იგი ბოდიშსაც იხდის.

"სამართლიანია ის კრიტიკა და წითელი ბარათი, რაც დავიმსახურე. ამით არ ვამაყობ. ვინისიუსს პატივს ვცემ და არანაირი განრახვა არ მქონია, რომ მისთვის რამე დამეშავებინა."

"ახლა კლუბში მძიმე ვითარება გვაქვს და ასეთ მომენტებში, ზოგჯერ რთულია ნერვების მოთოკვა და ამის გამო გულწრფელ ბოდიშსაც ვიხდი", - წერს პაულისტა.