როგორც იცით, მადრიდის "რეალის" ფეხბურთელები ამ სეზონში ხშირად ტრავმიანობენ.

მიმდინარე სეზონში ტრავმები იმდენად გახშირდა, რომ მარცხენა მცველის პოზიციაზე, მოთამაშეების ნაკლებობის გამო, თამაში ედუარდო კამავინგას უწევს.

გუშინ კი, "ვალენსიასთან" შეხვედრაში, დაშავებულთა სიას კიდევ 2 მოთამაშე, ედერ მილიტაო და კარიმ ბენზემა დაემატა.

ამ საკითხთან დაკავშირებით კომენტარი კარლო ანჩელოტიმაც გააკეთა.

"მილიტაოს დაზიანება ბევრად უფრო მძიმე ჩანს, ვიდრე კარიმის. ისინი მომდევნო შეხვედრას გამოტოვებენ.

"ხშირი ტრავმების ძირითადი მიზეზი სამ დღეში ერთხელ მატჩების ჩატარებაა. ცხრილი ძალიან გადატვირთულია", - განაცხადა იტალიელმა.