"ბარსელონას" ურუგვაელმა უკანახაზელმა, რონალდ არაუხომ მადრიდის "რეალთან" წაგებული მატჩის (1:2) ჟურნალისტებთან ისაუბრა.

ურუგვაელმა მცველმა ყურადღება იმ ეპიზოდზე გაამახვილა, როცა ორელიენ ჩუამენი მის წინააღმდეგ თამაშის წესებს "სამეფო კლუბის" საჯარიმოში არღვევდა. პენალტი არ დაინიშნა, რონალდი კი თვლის, რომ მთავარ არბიტრს ასეთი გადაწყვეტილება უნდა მიეღო.

"ჩუამენიმ ხელი მკრა. პენალტი უნდა დანიშნულიყო. ყოველ შემთხვევაში, ვიდეორეფერიზე მთავარ მსაჯს უნდა გადაემოწმებინა მაინც.

იქ რომ თერთმეტმეტრიანი დაედოთ, ჩვენი უპირატესობა ორბურთიანი გახდებოდა და ყველაფერი სხვაგვარად წავიდოდა," - თქვა არაუხომ.