როგორც მოგეხსენებათ, "ბარსელონას" შაბათს მადრიდის "რეალთან" ელოდება მატჩი.

მომავალი "კლასიკოს" შესახებ "ბარსას" ოფიციალური არხი ჟოაუ ფელიქსს გაესაუბრა.

პორტუგალიელმა თავდამსხმელმა საკმაოდ საინტერესო კომენტარები გააკეთა:

"რეალი" არასდროს დამიმარცხებია და მათთვის გოლიც არ მაქვს გატანილი? ეს არ ვიცოდი, მაგრამ, ალბათ, სიმართლეა. იმედი ვიქონიოთ, რომ შაბათს ეს შეიცვლება.

"ბერნაბეუზე" მოგებული 0:4 მახსოვს. ამაზე გასახდელში ვისაუბრეთ.

"ელ კლასიკოებს" ყოველთვის ვუყურებდი და მუდამ "ბარსელონასკენ" ვიყავი."

გეტყვით, რომ ფელიქსი "რეალს" კარიერაში 8-ჯერ შეხვედრია. მისმა გუნდმა ამ 8-დან 6 მატჩი წააგო, თავად ჟოაუმ კი ვერც გოლი მიითვალა და ვერც ასისტი.