"ბარსელონას" დირექტორთა ბორდის სპიკერის მოადგილემ, მიკელ კამპსმა თავი კრიტიკის ქარცეცხლში გაიხვია.

საქმე იმაში მდგომარეობს, რომ მიკელმა მადრიდის "რეალის" ბრაზილიელ შემტევს, ვინისიუს ჟუნიორს შეურაცხყოფა მიაყენა.

"ეს რასიზმი არ არის. ის სილის გაწვნას იმსახურებს, რადგან მასხარა და პროვოკატორია. 

რას წარმოადგენს ეს უაზრო დრიბლინგები, რომლებიც მოედნის ცენტრში ხორციელდება," - დაწერა კამპსმა ტვიტერზე.

მართალია, ესპანელმა ტვიტი თითქმის მომენტალურად წაშალა, მაგრამ მისი ამსახველი ფოტო მაინც მოძრაობს სოციალურ ქსელში.

ჟურნალისტებმა ამაზე კომენტარის გაკეთება "რეალის" კიდევ ერთ ბრაზილიელ ვარსკვლავს, როდრიგოს სთხოვეს. როდრიგომ კამპის ქმედებას სამწუხარო უწოდა.