"ბარსელონას" პორტუგალიელ თავდამსხმელს, ჟოაუ ფელიქსს დონეცკის "შახტართან" გამართული მატჩის ნაადრევად დატოვება მოუხდა.

23 წლის თავდამსხმელი თამაშს ტრავმის გამო, 75-ე წუთზე გამოეთიშა, მის ნაცვლად კი მინდორზე მარკ გიუ შევიდა. ფელიქსი აშკარად სერიოზულ ტკივილს გრძნობდა, თუმცა, როგორც აღმოჩნდა, სანერვიულო არაფერია.

"კარგად ვარ! უბრალო დარტყმა იყო. მომდევნო მატჩისთვის ვემზადები", - დაწერა ჟოაუმ ინსტაგრამზე.

ფელიქსი რომ 28 ოქტომბერს, მადრიდის "რეალის" წინააღმდეგ თამაშს შეძლებს, დაადასტურა ჩავიმაც:

"ჟოაუ ფელიქსს ტრავმა არ მიუღია. მისი "კლასიკოში" თამაში პრობლემა არ იქნება."

შეგახსენებთ, რომ მიმდინარე სეზონში პორტუგალიელმა თავი 3 გოლითა და 4 ასისტით გამოიჩინა.