მადრიდის "რეალის" ლიდერების კარიმ ბენზემასა და ლუკა მოდრიჩს საუდის არაბეთში სათამაშოდ ეპატიჟებიან.

"El Mundo"-ს ინფორმაციით, საუდის არაბეთის მთავრობა მათთან მოლაპარაკებებს აწარმოებს და როგორც ირკვევა, კარიმსა და ლუკას მათ ლიგაში ნებისმიერი გუნდის რიგებში თამაში შეეძლებათ. ეს სწორედ მათზე იქნება დამოკიდებული.

წყარო ასევე იტყობინება, რომ არაბები "ბლანკოსის" ვარსკვლავებს ანაზღაურების სახით წელიწადში 30 მილიონს სთავაზობენ.

თუმცა მიუხედავად ამ სარფიანი წინადადებისა, ისინი გუნდიდან წასვლას არ აპირებენ. 

ამის შესახებ ესპანური გამოცემები უკვე აქტიურად წერენ, რომ კლუბი როგორც მოდრიჩთან, ისე ბენზემასთან კონტრაქტის გახანგრძლივებას გეგმავს.