მიუნხენის "ბაიერნის" მარცხენა მცველმა ალფონსო დევისმა ერთ-ერთ ინტერვიუში მადრიდის "რეალის" ყოფილ და ამჟამინდელ ფეხბურთელებზე ისაუბრა.

საქმე იმაშია, რომ ჟურნალისტმა კანადელს ჰკითხა, თუ ვინ არის მისთვის თავის პოზიციაზე საუკეთესო.

რაზეც ალფონსომ შემდეგი პასუხი გასცა:

"როდესაც ალაბა ჩემი თანაგუნდელი იყო, ყოველთვის ვიძახდი, რომ საუკეთესო სწორედ ისაა, თუმცა ახლა ვიტყვი, რომ ჩემთვის, ნომერ პირველი აუცილებლად მარსელოა. დარწმუნებული ვარ, რომ ის ახლაც მსოფლიოში საუკეთესოა", - ამბობს დევისი.

შეგახსენებთ, რომ მარსელო ამ მომენტისთვის "ოლიმპიაკოსის" ღირსებას იცავს.