მადრიდის "რეალის" ერთ-ერთი ლიდერი ლუკა მოდრიჩი მადრიდის "რეალთან" კონტრაქტს კიდევ ერთი წლით გაახანგრძლივებს.

ამის შესახებ ინფორმაციას "Diario AS" ავრცლებს. გამოცემის ცნობით, ხორვატმა საუდის არაბეთიდან და ასევე MLS-დან მორიგი შეთავაზებები დაბლოკა, რადგან მისი ერთადერთი მიზანი "ბლანკოსში" დარჩენაა.

საპასუხოდ, "სამეფო გუნდი" მოდრიჩის ასეთი დამოკიდებულებითა და პროფესიონალიზმით, რომ მსურველ კლუბებთან იგი მოლაპარაკებებს არ აწარმოებს, ძალიან მადლიერია და მადრიდელები თავის მხრივ, მას კონტრაქტს უპრობლემოდ გაუხანგრძლივებენ.

შეგახსენებთ, რომ "რეალის" ათიანი უკვე 37 წლისაა, თუმცა მან უკვე არაერთგზის დაამტკიცა, რომ ასაკი მისთვის მხოლოდ ციფრებია.