მარიო კორტეხანას ინფორმაციით, მადრიდის "რეალის" მთავარ მწრთვნელს კარლო ანჩელოტის გასულ ზაფხულს კლუბში თავდამსხმელის მოყვანა სურდა.

მიუხედავად იმისა, რომ "ბლანკოსს" ჰარი კეინი და კილიან მბაპე დაუკავშირეს, კარლოს თავისი რჩეული ჰყავდა.

აღნიშნული ჟურნალისტის თქმით, ანჩელოტის ფავორიტი ვიქტორ ოსიმენი იყო. იტალიელ სპეციალისტს ნიგერიელი ფორვარდი ძალიან მოსწონს.

თუმცა მადრიდელებმა მისი გადაბირება ძალიან დიდი სატრანსფერო ფასის გამო არ განიზრახეს.

"სამეფო გუნდისთვის" ის თანხა, რასაც იტალიელები ვიქტორის სანაცვლოდ ითხოვენ, ზემდეტად მაღალი აღმოჩნდა.