როგორც მოგეხსენებათ, ლა ლიგის მე-4 ტურში მადრიდის "რეალმა" "ხეტაფე" მძიმე ბრძოლაში ანგარიშით 2:1 დაამარცხა.

"სამეფო გუნდიდან" თავი კვლავ ჯუდ ბელინგემმა გამოიჩინა, რომელმაც გადამწყვეტი გოლი გაიტანა და "ბლანკოსს" მოაგებინა.

მატჩის შემდეგ ინგლისელმა მედიასთან კომენტარი გააკეთა.

"არ ვიცი, ამხელა სიყვარული რის გამო დავიმსახურე - ისეთი ხმაური არასდროს მინახავს, როგორიც ამ გოლს მოჰყვა სანტიაგო ბერნაბეუზე გულშემატკივრის მხრიდან"

"როდესაც დავინახე, რომ მთელი სტადიონი ერთხმად ჩემს სახელს სკანდირებდა, ფეხები ამიკანკალდა, მათი მადლობელი ვარ", - განაცხადა ინგლისელმა.