უკანასკნელ დღეებში "ნაპოლის" ქართველი გარემარბი, ხვიჩა კვარაცხელია რამდენიმე ევროპულ გრანდს დაუკავშირეს. იტალიური გამოცემების მიერ გაჟღერებული ცნობებიდან ვიგებთ, რომ კვარათი არაერთი გუნდია დაინტერესებული.

რა თქმა უნდა, არსებული მდგომარეობის შესახებ "პარტენოპეიშიც" იციან. როგორც მოარული ხმები გვაუწყებენ, ნეაპოლელები საგანგებო ზომების მიღებასაც აპირებენ და ხვიჩას მალე ახალ კონტრაქტს შესთავაზებენ.

მიუხედავად ამისა, მაინც არსებობს შესაძლებლობა, "ნაპოლი" კვარას მოსალოდნელზე ადრე შეელიოს. ეს მაშინ მოხერხდება, თუ სამხრეთ იტალიაში 100 მილიონი ევროს ღირებულების წინადადებას მიიღებს.

იმ შემთხვევაში, თუ ხვიჩას მსურველი "ნაპოლის" 100 მილიონზე ნაკლებ თანხას შესთავაზებს, წინადადება ავტომატურად დაიბლოკება.