დღეს, გამოცემა "DiarioAS"-მა მადრიდის "რეალის" სატრანსფერო გეგმაზე ახალი და მნიშვნელოვანი ინფორმაცია გაავრცელა.

წყაროს ცნობით, მადრიდელები ამ მომენტისთვის მიუნხენის "ბაიერნის" ფეხბურთელს აკვირდებიან და მის დამატებას სავარაუდოდ 2024 წლის ზაფხულში შეეცდებიან.

საუბარია "რეკორდმაისტერის" მარცხენა მცველზე ალფონსო დევისზე, რომელიც "ბლანკოსში" ფერლან მენდის შემცვლელად განიხილება.

რაც შეეხება კანადელი ფეხბურთელის სიტუაციას, მას კლუბთან კონტრაქტი 2025 წელს ეწურება, თუმცა გერმანელები მარცხენა გარემარბთან ახალი ხელშეკრულებას გაფორმებას უკვე ცდილობენ.

აქვე გეტყვით, რომ "Transfermarkt"-ის მონაცემების მიხედვით, დევისის გამოსასყიდი ფასი 70 მილონ ევროს შეადგენს.