მას შემდეგ, რაც კილიან მბაპემ მადრიდის "რეალში" თამაშზე უარი განაცხადა და "პარის სენ-ჟერმენთან" ახალი კონტრაქტი გააფორმა, მისი "ბლანკოსში" ოდესმე თამაშის შანსები მინიმუმამდე დაეცა.

მიუხედავად ამისა, ბრწყინვალე მსოფლიო ჩემპიონატის ჩატარების შემდეგ ფრანგის "სამეფო გუნდთან" დაკავშირება მედიამ კვალვ განაგრძო.

არაერთი ცნობილი გამოცემა წერდა, რომ "რეალი" მაბეპთი კვლავ ინტერესდებოდა, თუმცა აღნიშნული ჭორები "Marca"-მ უარყო.

წყაროს ცნობით, კილიანისთვის "რეალის" კარი კვლავ ღიაა, თუმცა მადრიდელები მის შეძენას ისე აქტიურად აღარ შეეცდებიან, როგორც ეს აქამდე იყო.

აქვე გეტყვით, რომ გასულ ზაფხულს მბაპემ პარიზელებთან კონტრაქტი 2025 წლამდე გაახანგრძლივა.