"ალ-ნასრის" სეზონი უკვე დასრულდა, კრიშტიანუ რონალდუ პორტუგალიაში გაემგზავრა და ეროვნული ნაკრების შეკრებისთვის ემზადება.

ბოლო პერიოდში ბევრი იწერება იმის შესახებ, რომ რონალდუს ევროპული ფეხბურთი მოენატრა და საუდის არაბეთის დატოვებაზე ფიქრობს.

ცოტა ხნის წინ კრიშტიანუს ახალი ინტერვიუ გამოქვეყნდა, სადაც 38 წლის ლეგენდა ამბობს, რომ ის მომდევნო სეზონსაც არაბეთში გაატარებს.

"აქ ძალიან ბედნიერი ვარ. ჩემი სურვილია კარიერა ალ-ნასრიში გავაგრძელო და ეს ასეც მოხდება.

ჩემი აზრით, თუ მომდევნო წლებშიც ასე გააგრძელებენ მუშაობას, მაშინ საუდის ლიგა მსოფლიოს 5 საუკეთესო ჩემპიონატს შორის იქნება", - თქვა რონალდუმ.