Diario AS მადრიდის "რეალის" შემტევის კარიმ ბენზემასთან დაკავშირებით ახალ საინტერესო დეტალებს ავრცელებს.

როგორც მოგეხსენბათ, პრაქტიკულად გადაწყვეტილია, რომ ფრანგი ფორვარდი "სამეფო გუნდის" რიგებს დატოვებს და კარიერას საუდის არაბეთში გააგრძელებს.

აღნიშნული წყაროს ინფორმაციით, ბენზემა კრიშტიანუ რონალდუს დაუკავშირდა, რომელიც უვკე რამდენიმე თვეა სწორედ არაბეთში ასპარეზობს.

საუბრის თემა კი იყო, თუ როგორია არაბეთში ცხოვრება და ადგილობრივ ლიგაში თამაში.

საგულისხმოა, რომ დუეტის ერთ გუნდში ხილვას ვერ შევძლებთ, რადგან რონალდუ "ალ ნასრის" ღირსებას იცავს, ბენზემა კი "ალ იტიჰადის" რიგებს შეუერთდება.