მას შემდეგ, რაც კატარის 2022 წლის მსოფლიო ჩემპიონატზე არგენტინის ნაკრების ნახევარმცველმა ენცო ფერნანდესმა გაიბრწყინა, არაერთი ევროპული გრანდის ყურადღება მიიპყრო.

რა თქმა უნდა, მისით მადრიდის "რეალიც" დაინტერესდება, რომლის მიზანი არგენტინელის ზაფხულში გადაბირებაა.

როგორც იწერება, ლისაბონის "ბენფიკა" ენცოს სანაცვლოდ 120 მილიონ ევროს ითხოვს და ამ თანხის გადახდაზე "მანჩესტერ იუნაიტედი" თანახმაა - იტყობინება ჟურნალისტი ბრუნო ანდრადე.

მისი თქით, "წითელი ეშმაკები" მზად არიან, "ბლანკოსზე" მეტი თანხა გაიღონ და 21 წლის ფეხბურთელი რაც შეიძლება მალე დაიმატონ.

მოგახსენებთ, რომ არგენტინელ ნახევარმცველს კლუბთან ხელშეკრულება 2027 წლის ზაფხულში უმთავრდება.