ბოლო პერიოდის მანძილზე, მარკო ასენსიოს მადრიდის "რეალიდან" წასვლაზე მედიაში გახშირებულად წერენ.

ამჯერად, ეპსანელი ფეხბურთელის მომავალათან დაკავშირებით ახალ ინფორმაციას გამოცემა "Marca" ავრცელებს.

წყაროს ცნობით, 27 წლის შემტევი პრემიერ ლიგის კლუბში გადასვლასთან ძალიან ახლოსაა.

საუბარია "ასტონ ვილაზე", რომლის მთავარი მწრთვნელი უნაი ემერი მარკოს უკვე დაუკავშირდა და სატრანსფერო საკითხზე ესაუბრა.

თავად ასენსიოს კი მეტი სათამაშო დროის მიღება სურს და ამ მხრივ "ლომების" რიგებში თამაში, შესაძლოა, ხელსაყრელი ვარიანტი იყოს.

შეგახსენებთ, რომ ესპანელ თავდამსხმელს "ბლანკოსთან" ხელშეკრულება მიმდინარე წლის ზაფხულში უმთავრდება და კონტრაქტის გახანგრძლივებაზე არანაირი საუბრები არ მიმდინარეობს.