ცნობილმა გამოცემა "Relevo"-მ მადრიდის "რეალის" შესახებ ახალი სატრანსფერო ინფორმაცია გაავრცელა.

წყაროს ცნობით, თითქმის გადაწყდა, რომ ზაფხულში "ბლანკოსი" "ესპანიოლიდან" ხოსელუს დაიმატებს.

როგორც იწერება, მადრიდელები ესპანელს მარიანო დიასის შემცვლელად განიხილავენ, რომელიც რამდენიმე თვეში "სამეფო გუნდის" რიგებს დატოვებს.

ამასთანავე, არ არის გამორიცხული, რომ "თეთრებმა" კიდევ ერთი ფორვარდი დაიმატონ, ვინაიდან კარიმ ბენზემას წასვლაზე მედიაში უკვე აქტიურად წერენ.

ცნობისთვის, ხოსელუ "რეალის" შემადგენლობაში 2010/11 წლების სეზონში ასპარეზობდა.