როგორც მოგეხსენებათ, მადრიდის "რეალი" ლისაბონის "ბენფიკას" ახალგაზრდა ნახევარმცველის ენცო ფერნანდესის გადაბირებით ინტერესდება.

აღსანიშნავია, რომ ლისაბონელები მის სანაცვლოდ 80-85 მილიონ ევროს ითხოვდნენ, თუმცა მსოფლიო ჩემპიონატის მოგების შემდეგ მისმა ფასმა საგრძნობლად მოიმატა.

გავრცელებული ინფორმაციით, "ბენფიკამ" ენცოს ფასი გაზარდა და ნებისმიერ კლუბს მისი დამატება მინიმუმ 120 მილიონი ევრო დაუჯდება.

აქვე გეტყვით, რომ 21 წლის არგენტინელი ფეხბურთელი რამდენიმე დღის წინ მუნდიალის საუკეთესო ახალგაზრდა მოთამაშედ დასახელდა.