როგორც მოგეხსენებათ, მიმდინარე სეზონში არაერთხელ დაფიქსირდა ფაქტი, როდესაც მადრიდის "რეალის" ფეხბურთელს, ვინისიუს ჟუნიორის მეტოქე გუნდის ფანები რასისტულ შეურაცხყოფას აყენებდნენ.

ამ სიტუაციამ განსაკუთრებით დაძაბული სახე "მესტალიზე" გამართულ მატჩში მიიღო, როდესაც ვინისიუსის მიმართ გულშემატკივრები დიდ უპატივცემულობას იჩენდნენ.

გამოცემა "El Chiringuito"-ის ინფორმაციით, ბრაზილიელის მხარდასაჭერად "რაიოსთან" შეხვედრაში, "სანტიაგო ბერნაბეუზე" ფეხბურთელები ბრაზილიელი ვინგერის წარწერიანი მაისურით გამოვლენ.

გარდა ამისა, მოედანზე გაიშლება ბანერი წარწერით: "ვინისიუს, ჩვენ ყველანი ერთად ვართ, საკმარისია".

აქვე გეტყვით, რომ აღნიშნული მატჩი ჩვენი დროით 21:30 საათზე დაიწყება.