როგორც მოგეხსენებათ, "ნაპოლის" ქართველი შემტევი ხვიჩა კვარაცხელია მადრიდის "რეალთან' უკვე არაერთხელ დააკავშირეს.

ამჯერად, საინტერესო ცნობებს Rai-ს ჟურნალისტი ჩირო ვენერატო ავრცელებს.

მისი ინფორმაციით, კვარამ მის აგენტს შეატყობინა, რომ გუნდიდან წასვლა არ სურს და შესაბამისად, დაბლოკოს ისეთი გუნდების წინადადებები, როგორებიც "რეალი" და "ნიუკასლია".

გავრცელებული ცნობებით, ქართველს ჯერჯერობით იტალიაში დარჩენა სურს, რაც ნამდვილად კარგი გადაწყვეტილებაა.

აქვე აღსანიშნავია, რომ სულ მალე იგი ახალ კონტრაქტს გააფორმებს და მისი ანაზღაურება 2.5 მილიონი გახდება.