მადრიდის "რეალი" მომავალი სატრანსფერო ფანჯრის პერიოდში დიდ აქტიურობას გეგმავს.

მედიაში გავრცელებულ ცნობებს თუ ვენდობით, კლუბმა ბელინგემის ტრანსფერი უკვე შეათანხმა, თუმცა მადრიდელები ამაზე გაჩერებას არ აპირებენ.

ესპანური მედიის ინფორმაციით, "ბლანკოსი" ცენტრალურ ფორვარდს აუცილებლად დაიმატებს, რადგან ბენზემას რიგ მომენტებში შემცვლელი სჭირდება.

ეს კარლომ ხელმძღვანელობას გასულ სეზონშიც უთხრა, თუმცა მათ არ გაითვალისწინეს. ახლა კი ვითარება შეიცვალა.

გარდა ამისა, მადრიდელები დაცვის გაძლიერებასაც გეგმავენ.