ფერლან მენდის მადრიდის "რეალიდან" შესაძლო წასვლაზე მედიაში ხშირად წერენ.

ამჯერად ახალ ინფორმაციას ცნობილი გამოცემა "Mirror" აქვეყნებს.

წყაროს ცნობით, ფრანგი უკანახაზელის გადაბირებით პრემიერ ლიგის კლუბები დაინტერესდნენ.

საუბარია ლონდონის "არსენალსა" და "ტოტენჰემზე", რომლებიც 27 წლის ფეხბურთელის მდგომარეობას აქტიურად აკვირდებიან.

რაც შეეხება მის სატრანსფერო ღირებულებას, როგორც იწერება, ფერლანის ფასი დაახლოებით 20 მილიონ ევროს შეადგენს.

აქვე გეტყვით, რომ მენდის მადრიდელებთან კონტრაქტი 2025 წელს ეწურება.