რამდენიმე დღის წინ გავრცელდა ინფორმაცია, რომ "ბარსელონა" მადრიდის "რეალის" ესპანელი შემტევის, მარკო ასენსიოს გადაბირებითაა დაინტერესებული.

"ლურჯ-ბროწეულისფერნი" ამ საკითხზე უკვე ესაუბრნენ 27 წლის ფეხბურთელის აგენტს, ჟორჟე მენდეშს.

"ბარსას" ასენსიოთი დაინტერესება დაადასტურა Mundo Deportivo-მაც.

კატალონიური გამოცემის მიხედვით, "ბლაუგრანას" მარკო შემდეგი თვისებების გამო მოსწონს:

ხაზებს შორის თამაშის უნარი

მარცხენა ფეხით დარტყმა

გამარჯვებულის მენტალიტეტი

შეგახსენებთ, რომ ასენსიო ზაფხულში თავისუფალი აგენტი ხდება.

მიმდინარე სეზონში მარკომ "სამეფო კლუბის" მაისურით 22 მატჩი ჩაატარა. მან თავი 3 გოლითა და 5 ასისტით გამოიჩინა.